Реал и Монако го одиграа најнеизвесниот натпрвар од стартот на сезоната во Евролигата. Победата му припадна на францускиот тим 94:95.
Кошаркарите на Реал имаа сигурна победа, во последните 10 секунди влегоа со предност од четири поени (88:84). Сепак кошамрен за нив беше последниот напад на Монако.
Американецот Мајк Џејмс, на 4,3 секунди до крајот постигна неверојатна тројка преку високиот центар Валтер Таварез и успеа да изнуди фаул. Џејмс израмни на 88:88, а потоа во продолжението Монако имаше повеќе самодоверба и заслужено ја однесе победата.
FOUR-POINT PLAY AND OVERTIME BY MIKE JAMES 🤯pic.twitter.com/I6Kye6RTQT
— Eurohoops (@Eurohoopsnet) December 8, 2022
Џејмс го предводеше Монако со 28 поени и по три скока и асистенции. Џордан Лојд, кој доживеа повреда на носот во последната минута, имаше учинок од 19 поени и четири скока и асистенции.
.@mrjloyd that is INSANE 🤯#7DAYSMagicMoment pic.twitter.com/TgeDcxwhsH
— Turkish Airlines EuroLeague (@EuroLeague) December 8, 2022
Најефикасен кај Реал беше Џанан Муса со 24 поени, додека Таварез, со фаулот над Џејмс, фрли сенка на одличната партија во која покрај 17 поени имаше и 18 скока.