Саша Везенков, МВП на Евролигата во сезоната 2022/2023 по неуспешната сезона во НБА лигата реши да се врати во Олимпијакос.
Како што пренесува грчката „СДНА“, договорен е трансферот на Везенков во тимот од Пиреја.
Понатаму наведуваат дека Бугаринот решил да се пресели во Олимпијакос и само чудо може да ги искомплицира работите.
Познато е и колку Везенков би заработил во Олимпијакос. Би потпишал петгодишен договор според кој би заработувал 3,7 милиони евра по сезона, а вкупната сум, со бонусите би можела да достигне и 20,5 милиони евра.
Освен тоа, би добил и стан и автомобил, а којзнае уште што.
По оваа информација стана многу појасно зошто Везенков договорил да ја раскине соработката со Торонто Репторс и се откажал од загарантираните 6,6 милиони долари за следната сезона, колку што можел да добие дури и во случај да не одигра ниту една секунда.
Ваквиот расплет треба да го отвори патот за враќање на српскиот репрезентативец Филип Петрушев во Црвена звезда.