Кошаркарите на Хјустон ја продлабочија криата на актуелните шампиони Денвер. „Ракетите“ изминатата ноќ славеа убедлива победа 105:86. На Денвер не им помогна ниту најдобрата поентерска партија на Никола Јокиќ од почетокот на сезоната. Српскиот центар постигна речиси половина од поените на Денвер.
Денвер против Хјустон го забележа петтитот пораз во последните седум натпревари. Во исто време Хјустон стави крај на серијата од три порази.
Јокиќ го заврши најдобриот поентерски натпревар од почетокот на сезоната со 38 поени (14/31 шут од поле, 3/9 за три), 19 скока и осум асистенции.
Српскиот кошаркар немаше вистинска поддршка од соиграчите, само Кентавиус Калдвел-Попа имаше 20 поени со пет скока, Мајкл Портер Јуниор постигна 14 поени со седум скока.
Целосно потфрли и клупата на Нагетс кои постигнаа само 10 поени.
„Ракетите“ ги предводеше Џејлен Грин со 25 поени, а одлична улога имаше Алперн Шенгун со дабл-дабл од 21 поен, 15 скока и осум асистенции.
Резултати:
Њујорк – Мајами 100:98
Торонто – Чикаго 121:108
Хјустон – Денвер 105:86
Индијана – Детроит 136:113
Милвоки – Вашингтон 131:128
Минесота – Сакраменто 111:124