Во понеделникот рано наутро во контролен натпревар Голден Стејт вориорс им беа домаќини на Сакраменто Кингс. Во еден момент во игра за „кралевите“ влезе Александар Везенков, најдобриот бугарски кошаркар на сите времиња.
Станува збор за кошаркар кој изминативе пет години го носеше дресот на Олимпијакос, а во претходната сезона ја доби наградата за најкорисен играч на Евролигата за неговите фантастични игри.
За европскиот вицешампион имаше просек од 17,6 поени и 6,8 скока. Тој со тимот од Калифорнија потпиша тригодишен договор вреден 20 милиони долари.
Сепак, тоа не беше доволно за стручниот штаб на Вориорс да го препознае кога влезе во игра.
Камерите јасно забележаа како во моментите кога Везенков влегува во игра, Кер го прашува асистентот:
„Кој е бројот 7?
Бидејќи, како што стојат работите, не доби задоволителен одговор, четирикратниот освојувач на НБА прстен како тренер ги консултираше белешките.
@MattGeorgeSAC @JandersonSacBee @TimMaxwell22
Steve Kerr says “Hey, who’s number seven?” His staff doesn’t know so he looks at his roster sheet and tells his staff “Vezenkov”. 😂 pic.twitter.com/K41pC2mLUS— Pathfinder (@Pathfinder_916) October 16, 2023
Минатото лето во Манила, Кер ја предводеше репрезентацијата на САД на Светското првенство, а Американците го освоија разочарувачкото четврто место со три порази – од Литванија, Германија и Канада.
Везенков против Вориорс одигра речиси 17 минути, но немаше своја вечер – имаше два поени (1/4 од игра) и забележа 6 скока.