Вашингтон Визардас убедливо славеа во Окалхома 116:98, иако Расел Вестбрук забележа нов трипл-дабл. Без Џон Вол и Двајт Хауард, Визардс најдоа сили да ја прекинат серијата од три победи на Оклахома.
Гостите од престолнината на САД, одиграа одличен меч, ги добија сите четвртини и заслужено победија.
Бредли Бил ги предводеше Визардс до 16. победа во 40. натпревар сезонава. На спротивната страна Вестбрук забележа 22 поени, 15 скока и 13 асистенции, а Пол Џорџ заврши со 20 поени.
Оклахома се на третата позиција на Западот со 25 победи и 14 порази.
Лидерите во лигата Торонто Репторс во дербито славеа над Индијана Пејсерс со 121:105. Пејсерс ги предводеше Хрватот Бојан Богдановиќ со 21 поен, девет скока, три асистенции и две украдени топки.
Кај Торонто се истакнаа Норман Пауел со 23 и Серж Ибака со 18 поени.
Лејкерси без Леброн Џејмс го запишаа петтиот пораз на последните шест натпревари. „Езерџиите“ беа поразени од Минесота Тимбервулвс 108:86. Ендрју Вигинс и Карл-Ентони Таунс постигнаа по 28 поени за Минесота.
Шарлот славеа над Феникс 119:113, Атланта го победи Мајами 106:82, а ЛА Клиперс беа подобри од Орландо Меџик, во чии редови брилијантен меч одигра Црногорецот Никола Вучевиќ (16 поени, 24 скока, 8 асистенции и 2 блокади).
Nikola Vucevic today in LA:
16 PTS
24 REBS
8 ASTS
2 BLKS #PureMagic pic.twitter.com/7ipfmuvTgk— NBA (@NBA) January 6, 2019