Милвоки Бакс ја запреа победничката низа на Хјустон, Мајами Хит го повлекоа дресот на Крис Бош, а Денвер Нагетс ја продолжија трката за првата позиција на Западот со Голден стејт Вориорс.
Најдобриот тим во лигата, Милвоки, предводен од Ерик Бледсо и Јанис Адетокумбо, славеа над Хјустон Рокетс 108:94.
Бакс предноста што им ја донесе победата ја стекнаа во третиот период. Бледос постигна 23 поени, а Адетокумбо имаше 19 кошеви и 14 скока. Кај Хјустон Џејмс Харден постигна „скромни“ 23 поени, на кои придодаде 10 скока и 7 асистенции.
Мајами го искористија гостувањето на ривалите од Флорида, Орландо Меџик, за да го пензионираат дресот на Крис Бош, членот на шампионската генерација.
На полувремето клубот ја повлече единицата на Бош, а на крајот Меџик ја однесоа победата 104:99. Никола Вучевиќ забележа 24 поени, 16 скока и 5 асистенции за победниците, додека кај поразените се истакнаа Дион Вејтерс со 26 и Двејн Вејд со 22 поени.
Чуден натпревар одиграа Денвер и Детроит Пистонс. Домаќините имаа предност од 27 поени, во еден дел од натпреварот, а на крајот едвај стигнаа до победата 95:92.
Џамал Мареј постигна 33 поени, а Никола Јокиќ 23 со 15 скока кај Денвер. Најдобри во тимот на Детроит беа Блејкс Грифин (29 поени, 15 скока) и Андре Драмонд (13 поени, 17 скока).
Резултати:
Шарлот Хорнетс-Сан Антонио Спарс 125:116
Кливленд Кавалирс-Бостон Селтикс 106:116
Торонто Репторс-Чикаго Булс 112:103
Минесота Тимбервулвс-ЛА Клиперс 111:122
Њу Орлеанс Пеликанс-Атланта Хокс 120:130
Далас Маверикс-Сакраменто Кингс 121:125
Ла Лејкерс-Вашингтон Визардс 124:106