Голем удар доживеаја амбициите на Милвоки Бакс во финишот на сезоната. Искусниот Демијан Лилард заедно со Јанис Адетокумбо, предводникот на тимот од Висконсин ќе мора да паузира неколку месеци.
На 34-годишниот кошаркар му била дијагностицирана длабока венска тромбоза на мускулот на потколеницата, поради што за него оваа сезона е завршена, објави новинарот на ЕПСН, Шамс Чаранија.
Лилард зема лекови за разредување на крвта и продолжува да има редовни прегледи, додаде најпознатиот НБА инсајдер.
Претходно, сличен здравствен проблем беше откриен и кај ѕвездата на Сан Антонио, Виктор Вембањама, само во десното рамо. И за него сезоната заврши.
Поранешниот ас на Портланд имаше просек од 24,9 поени, 4,7 скока и 7,1 асистенции на 58 натпревари.
Бакс се петти на Истокот со скор 40-31.