Јуре Здовц може да здивне, откако неговите Жалгирис ја комплетираа совршената недела со втора победа во Евролигата, откако Едгарас Улановас беше клучен за победа од 86:75 над Фенербахче во 11. коло.
Улановас, кој имаше лоша мината сезона во Фенер, постигна 18 поени, вклучувајќи три троки за неговиот клуб да се подобри за 2-9, ветеранот Мантас Калнеитис додаде 11 поени и 11 асистенции, додека Зоран Драгиќ имаше 13 поени.
За тимот на Саша Ѓорѓевиќ ова беше нов лош меч и трет пораз во низа за да паднат на 3-8, и покрај 17-те поени на Нандо де Коло.
ЦСКА Москва, пак, ја доби тешката физичка битка со Басконија за да стигнат до 80:74 победа во Виторија-Гастеиз. Иако во првата четвртина доминираа и имаа водство од 23:8, а по половина час водеа со 54:41, Басконија се врати во финишот и намали на 72:65, но тоа не беше доволно да се направи пресврт.
ЕВРОЛИГА, 11.КОЛО
Уникс Казан – Алба Берлин 85:71 (13:26, 27:22, 19:12, 26:11)
Анадолу Ефес – Монако 98:77 (24:20, 34:20, 15:21, 25:16)
Зенит Санкт Петерсбург – Олимпија Милано 74:70 (19:19, 16:20, 25:21, 14:10)
Жалгирис Каунас – Фенербахче 86:75 (16:18, 22:11, 26:30, 22:16)
Олимпијакос – Макаби Тел Авив 90:73 (35:8, 16:18, 20:19, 19.28)
Басконија – ЦСКА Москва 74:80 (8:23, 18:12, 15:19, 33:26)
Асвел Лион – Барселона 60:80 (9:19, 19:12, 19:31, 13:18)