Вечерва во „Палау Блауграна“ во Барселона се игра кошаркарско Ел Класико, во рамки на Евролигата.
Салата на Каталонците ќе „пука“ од емоции затоа што управата на домашниот клуб свечено ќе го повлече од употреба дресот со бројот 11, кој до крајот на минатата сезона го носеше легендарниот кошаркар, Хуан Карлос Наваро.
„Крвникот“ на Македонија од ЕП во Литванија на кое нашата селекција го извојува историското четврто место, 38-годишниот Наваро со Барса освои вкупно 35 трофеи на клупско ниво, а со „фуријата“ освои и десетина медали.
Популарниот „Ла бомба“ една сезона помина и во НБА лигата, во тимот на Мемфис.