Исфрлањето на Русија од сите спортски, уметнички и светски случувања продолжува на најбизарен начин – компанијата „ЕА спортс“ потврди дека е во процес на исфрлување на руската репрезентација и руските фудбалски клубови од видео-играта „ФИФА 22“.
„ЕА спортс е во солидарност со украинскиот народ и како многу други гласови во светскиот фудбал бараме мир и крај на инвазијата на Украина. Слично како нашите партнери ФИФА и УЕФА, почнавме со процесот на отстранување на рускиот национален тим и руските клубови од ФИФА 22, ФИФА Мобил и ФИФА онлајн“, вели компанијата.
Покрај оваа одлука, „ЕА спортс“ исто така ги отстрани руските и белоруските тимови од „НХЛ 22“ играта, иако засега „сигурни“ се руските и белоруските хокеари кои настапуваат во северноамериканската лига.
A statement from EA SPORTS FIFA: pic.twitter.com/v3pZvpblgS
— EA SPORTS FIFA (@EASPORTSFIFA) March 2, 2022
A statement from EA SPORTS NHL: pic.twitter.com/2uX4h55ok4
— EA SPORTS NHL (@EASPORTSNHL) March 2, 2022