Поранешниот хрватски фудбалер, Звонимир Бобан се га со функција советник на претседателот на ФИФА не ја поддржува идејата да се прекинуваат фудбалските натпревари и да се празнат трибините поради расистички навреди. Бобан не е за тоа поголемиот дел од гледачите „да плаќаат“ ако повиците доаѓаат од оние кои се малцинство на стадионот.
„Ако 25% од гледачите на стадионот ги дискриминира играчите, тогаш сум за тоа да се прекине мечот. Но ако се во прашање неколку од нив, тогаш не сум. Мојот глас оди за тоа тие да се страпаат во затвор. Зошто да им се допушти на идиотите да победат? Не треба да се допушти заради неколку пијани фашисти да прекинуваат мечеви. Таквите треба де се извадат од стадион и веднаш да се процесираат, а за тоа треба поддршка од властите, ФИФА не ја контролира полицијата“ – вели Бобан.
Во сезоната што неодамна заврши имаше неколку расистички скандали, во Италија, во Англија, а најсилно одекна глупоста што ја направија црногорските навивачи на квалификацискиот меч против Англија.
Тогаш со мајмунски извици го навредуваа Рахим Стерлинг, по што Федерацијата на Црна Гора беше казнета со одигрување еден меч пред празни трибини и 20.000 евра.