Европската ракометна федерација (ЕХФ) вчера донесе одлуки кои можат да бидат со далекусежни последици за ракометот.
Ги укинаа сите натпреварувања, освен Ф4 турнирите во ЛШ во машка и женска конкуренција.
Во машкиот сегмент од ЛШ без борба е исфрлен актуелниот европски шампион, тимот на Вардар.
Хрватскиот интернационалец во дресот на Вардар, десното крило, Иван Чупиќ за хрватски „Спортске новости“ вели дека ова не е регуларно.
„Никому не му е грижа за клубвите, а мислам дека сите клубови во ваква ситуација треба да се единствени, да кажат дека не сакаат да играат. Работата е големите нека играат, а малите нека им служат за промоција на ракометот. Ситуацијата е тешка, опасна за иднината. Прашање е колку воопшто клубовите ќе успеат да преживеат. Се плашам дека не чекаат тешки времиња, а знам дека сега најважно е да се остане здрав“ – вели Чупиќ.