Фудбалерите на Манчестер Јунајтед снимија промотивен спот за новиот спонзор на клубот и во таа прилика даваа одговор на прашањето со која позната личност би сакале да испијат кафе.
Шпанскиот голман Давид де Геа сака да пие кафе со актерот Џим Кери, Андер Ерера избра да го пие кафето со Марадона, но и со актерите Морган Фримен и Вил Смит.
Хуан Мата би сакал да се подружи со францускиот фудбалски ас, Ерик Кантона, а Џеси Лингард и Ешли Јанг како прв избор за дружба го наведоа американскиот актер Кевин Харт.
Сепак, најнеочекуван беше одговорот на Србинот Немања Матиќ кој посакал да се напие кафе со босанскиот актер, Мустафа Надаревиќ.