Селекцијата на Данска за фудбалери до 21 година денеска со 3-1 славеше победа против Австрија на Европското првенство У-21 што се одржува во Италија и Сан Марино.
Данците поведоа во 33 минута со голот на Меле. Само што започна второто полувреме, Австријците со голот на Линхарт израмнија на 1-1.
Во 73 минута имаа шанса за водство. Пенал промаши Баумгартнер.
Казната стигна 4 минути подоцна, повторно преку Меле. За потврда на победата и за конечни 3-1 се погрижи Сков Олсен во 93 минута од мечот.
Сега двете селекции имаат по 3 бода во групата Б, исто колку и фаворитот Германија која мечот од второто коло против Србија го започна пред неколку минути.
https://youtube.com/watch?v=bM9JOmbTkcI