Британецот Луис Хамилтон вели дека очекува поголема конкуренција во Формула 1 наредната сезона, особено тоа се однесува на Макс Ферстапен кој последниот период покажа силни перформанси.
Хамилтон во минатите 5 сезони дури 4 пати се закити со титулата, а се чини вистински ривал до неодамна му беше неговиот екс-клупски колега од Мерцедес, Нико Розберг.
„Оваа година Ред Бул беа исклучително силни, па можам само да претпоставам дека следната година ќе бидат уште посилни. Мислам дека ќе биде одлично за овој спорт ако Ред Бул се вклучи во борбата со Ферари и Мерцедес“ изјави Хамилтон за „Скај Спортс“.
Хамилтон упати пофалби за младиот Холанѓанец за кого вели дека „вози многу добро оваа година, неверојатен млад талент е“.