Угледиот „Тајмс“ пишува дека Манчестер Јунајтед сака по секоја цена да го задржи шпанскиот голман, Давид Де Хеа меѓу стативите на „Олд Трафорд“.
Репрезентативниот голман на „Фуријата“ има актуелен договор со „ѓаволите“ до 2020 година, а според пишувањата на „Тајмс“, премиерлигашот е подготвен да му даде нов договор вреден 90 милиони фунти со што би станал најплатениот фудбалер на Островот.
Голманот барал неделна плата од 350.000, а најверојатно челниците на клубот ќе му излезат во пресрет само да не го загубат. Направени се и пресметките дека друг голман од светска класа ќе ги чини повеќе.