Закана за тренерот на милански Интер, Антонио Конте (50), пишува „Кориере дела сера“.
Кормиларот на клупата на „нероазурите“ спортски се заканува дека ќе ја прекине осумгодишната доминација на Јувенту во италијанскиот фудбал, но добил закана. Во Италија симболична.
Куршум во писмо, за заплашување и предупредување.
Полицијата покренала истрага, а екс-фудбалскиот репрезентативец на Италија и нејзин селектор најверојатно ќе добие полициска заштита.
Конте е една од играчките легенди на „Старата дама“, одигра речиси 300 меча во „црно-белиот“ дрес во периодот меѓу 1991 и 2014 година.
Како тренер на Јуве, Конте ги донесе првите 3 титули во низата до 8 (2011-2013).
Навивачите на торинскиот клуб не беа најсреќни кога Конте стана тренер на Интер, па заканите се доведуваат во корелација токму со неговата нова позиција во италијанскиот фудбал.
По 12 кола, Јуве е лидер во Серија А со 32 бода, без пораз. Интер е веднаш зад него, со 31 бод.
Нивниот меѓусебен дуел на „Џузепе меаца“ заврши со победа за шампионот од 2-1.