Италијански „Calciomercato“ пишува дека Милан веќе пронашол потенцијална замена за местото на Златан Ибрахимовиќ во тимот. Се работи за српскиот напаѓач од Реал Мадрид, Лука Јовиќ.
22-годишниот напаѓач наводно ќе го сочинува тандемот со Хрватот, Анте Ребиќ, дуото кое „жареше и палеше“ во редовите на Ајнтрахт Франкфурт.
Јовиќ за две сезони во Ајнтрахт постигна 36 гола, а Ребиќ за само еден месец, пред прекинот на сезоната во Серија А, за Милан постигна 7 гола.
Италијанските медиуми пишуваат дека Управата на „Росонерите“ го сака Јовиќ затоа што е млад, способен, а и Реал бара нова опција во нападот.
Српскиот фудбалер минатото лето премина на „Сантијаго Бернабеу“ за 60 милиони евра, но не се наметна кај тренерот Зидан.