Во првенството на Мексико вчера редовно коло играа Круз Азул и Куеретар, славеа домаќините со резултат 3:0. Победата на домашната екипа и стрелците на головите се во втор план.
Поважно е тоа што стадионот на кој настапува Круз Азул, популарниот „Ацтека“ е првиот стадион во светот на кој има постигнато 10.000 голови.
„Ацтека“ е пуштен во употреба на 29 мај 1966 година. На него досега настапувале Клуб Америка, Круз Азул, Атланте, Некакса и сите мексикански фудбалски селекции.
Најмногу голови на легендарниот стадион постигнал Мексиканецот Луис Роберто Алвес–Заге, вкупно 209.
Домаќините беа подготвени, па убавиот јубилеј и влезот во историјата по вториот гол на Круз Азул го прославија со пиротехничко шоу.
¡Así estalló el Azteca en la anotación 10 mil!
El Coloso de Santa Úrsula se convierte en el primer estadio del mundo en recibir dicha cantidad de goles. pic.twitter.com/FG9UJ6z5Q0
— PressPort (@PressPortmx) April 7, 2019