Првиот човек на италијанскиот второлигаш Палермо, Маурицио Ѕампарини одлучи да ги продаде акциите на фудбалскиот клуб.
Тимот во кој капитен е македонскиот фудбалски репрезентативец, Илија Несторовски, а на кој друштво во нападот му прави репрезентативниот колега, Александар Трајковски го менува сопственикот, како што соопштуваат од клубот, во следните денови ќе се завршат формалностите околу новиот сопственик.
Ѕампарини со години се обидува да го продаде клубот, еднаш работата му пропадна, а сега се договорил со неименуван сопственик.
Контроверзниот Ѕампарини на чело на клубот е веќе 14 години, ќе остане запаметен по тоа што во неколку наврати менувал па враќал на позиција фудбалски тренери.
Сепак ќе останат и запаметени одличните трансфери во неговата ера, како оние на Едисон Кавани, Паул Дибала, Хавиер Пасторе, Лука Тони и други.