Македонскиот фудбалски репрезентативец, Илија Несторовски продолжува да ги тресе мрежите во италијанската втора лига.
Неговиот Палермо денеска гостува кај Козенца, а македонскиот фудбалер го отвори резултатот уште во 13 минута од мечот, по асистенција на Пушкаш.
Сепак до крајот на полувремето домашните фудбалери успеаја да го изедначат резултатот на 1-1.
Во вториот дел не дојде до промена на резултатот, па Палермо со бодот освоен остана на втората позиција на табелата, додека Козенца моментно е десетта. Црна дамка на мечот е црвениот картон што Несторовски го заработи во 91 минута од мечот.
За Несторовски денешниот погодок е 10-ти сезонава во Серија Б.
https://youtube.com/watch?v=rVTD1Hi4x9E