Во првиот меч од групата Ц на Европското првенство за играчи до 21 година, селекцијата на Романија со 4-1 славеше над Хрватска.
Романците тргнаа агресивно уште од самиот старт на мечот, па до 16 минута веќе имаа водство од 2-0.
Во 11 минута Георги Пушкаш донесе водство од 1-0, а само 5 минути подоцна Јанис Хаџи ја дуплираше предноста.
Хрватите во 18 минута со убавиот гол на Власиќ намалија на 2-1 што беше резултат на првото полувреме.
?? Romania in their first tournament since 1998 ?#U21EURO #ROUCRO pic.twitter.com/Xs4PUIlhHe
— UEFA U21 EURO (@UEFAUnder21) June 18, 2019
Во вториот дел Хрватите напаѓаа, а младите Романци шансата ја чекаа од контра-напад. По една хрешка на хрватската селекција во одбраната, во 66 минута Тудор Балута погоди за 3-1 за Романија.
Потоа Романците заиграа поотворен фудбал и со голот на Адријан Петре во 93 минута ги поставија конечните 4-1 на мечот.
Во истата група сега почнува и вториот меч, меѓу селекциите на Англија и Франција.