Top Sport

Румениге: Не е одредено до кога Флик ќе биде на клупата на Баерн

Ханси Флик оствари две победи во првите два негои меча на кормилото на Баерн Минхен откако седна на столчето на Нико Ковач. Баерн најпрво со 2-0 го совлада Олимпијакос во ЛШ, а потоа во големото германско дерби, Баварците со 4-0 ја прегазија Борусија Дортмунд.

Во последно време многу шпекулации се појавија за тоа кој ќе седна на кормилото на Баерн како долгорочно решение, но сите гласини ги прекина Карл-Хајнц Румениге веднаш по победата на „Der Klassiker“.

„Не е одредено до кога Флик ќе биде на клупата на Баерн. Рече пред мечот со Дортмунд дека засега само 2 меча се целта. Би рекол дека ја помина целната рамнина и тоа во грандиозен стил. Сега во мир можеме да продолжиме со него“ – рече Румениге за „Билд“.

Екипата одлично игра по заминувањето на Ковач од „Алијанц Арена“, а Румениге е фасциниран од атмосферата и од навивачите кои уживаат во моментот.

„Многу сме задоволни како се презентиравме со Борусија. Можевте да ја видите публиката, добро се забавуваа и заслужено им дадоа овации на играчите“ – додаде тој.

Румениге истакнува дека не би било погрешно доколку се заклучи дека Флик ќе биде на клупата на Баерн и на следниот бундеслигашки меч, со Фортуна Диселдорф, по репрезентативната пауза.

Scroll to Top