Најбрзиот човек на светот, Јусеин Болт влезе како замена за да ја почне својата професионална фудбалска кариера со австралискиот тим Централ Коуст маринерс во пријателски меч, по што призна дека му е потребно време да се навикне на својата нова работа.
32-годишниот Јамајчанец, кој иако се пензионираше од атлетиката останува светски рекордер на 100 и 200 метри, се обидува да добие договор пред сезоната 2018/19 во австралиската А-лига, и доби шанса да ги покаже квалитетите пред 10.000 фанови во Сиднеј кога влезе во игра во 72. минута против аматерски клуб.
Маринерс веќе водеа со 6:0, и Болт играше обично на левото крило со една убава шанса уште на почетокот. На крајот, Болт изјави дека ќе му бидат потребни уште четири месеци да го крене физичкото ниво на подготвеност.
„Најверојатно четири или пет месеци. Да станам фит ми се потребни два месеци, и уште два да играм како момците. Беше добро, беше тоа што го очекував. Малку бев нервозен на почетокот“, вели Болт.
Usain Bolt made his professional soccer debut, trying out with Australia’s Central Coast Mariners.
He played about 20 minutes and had several scoring chances. pic.twitter.com/izbfORlDK8
— SportsCenter (@SportsCenter) August 31, 2018