Јулијан Нагелсман (32), младиот тренер на германскиот прволигаш Ред Бул Лајпциг не е баш во завидна состојба.
Неговиот тим е во криза, како во Бундеслигата, така и во ЛШ.
По домашниот пораз од Шалке изминатиот викенд, вчера Лајпциг доживеа домашен пораз и до француски Лион.
Сепак, тоа не се единствените грижи на младиот стратег.
„Ноќно време „урлам“ по моите играчи, им издавам тактички упатства во сон. Другиот ден ништо не се сеќавам, а гледам дека жена ми е раздразнета и ненаспана. И порано тоа го правев, но не вака често. Изгледа дека сега притисокот е поголем, па почна да се повторува“ – вели Нагелсман.
Младиот тренер, за кого велат дека е опседнат со фудбал, нешто слично како на времето Жозе Мурињо,очигледно ја нервира сопругата Верена, со која го има синот Максимилијан. Таа засега не излегла со коментар.