Шпанската тениска сензација, Карлос Алкараз го прослави својот 20-ти роденден со доминантна 6:4/6:3 победа над Хрватот Борна Чориќ за пласман во финалето на Мастерсот во Мадрид.
За актуелниот шампион во Мадрид ова е 10-та победа едноподруго на турнирот, 20-та победа едноподруго на шпанските турнири и 13-то финале во кариерата.
Тој ќе се бори за својата десетта титула во кариерата против подобриот од дуелот помеѓу Аслан Карацев и Јан-Ленард Штруф. Неверојатниот почеток на 2023 година за Алкараз значи дека тој е во своето петто финале во 2023 година од шест турнири.