Линдзи Вон уште не завршила! По проблематичниот старт на сезоната и само една недела откако финишираше со болки во грбот во Сент Мориц, Американката стигна до 78. победа во кариерата во супер-џи трката во Вал Д’Изер, да покаже дека е во добра позиција пред Олимпијадата во Пјеонгчанг.
Вон постави време од 1:04.86 за да ја победи Италијанката Софија Гоџија за 0.32 секунди, додека изненадувачкиот подиум го комплетираше Норвежанката Рагнхилд Мовинкел со време од 1:05.25.
Со триумфот Вон се доближи на само осум победи од апсолутниот рекордер, шведскиот скијачки великан Ингемар Стенмарк, кој во исклучителната кариера стигна до 86 победи.
Победата исто така ги „замолчува“ и критичарите во САД кои посакуваа скијачката да се повреди откако таа изјави дека во Пјеонгчанг нема да скија за американскиот претседател Доналд Трамп.
Lindsey #Vonn è tornata! Statunitense imbattibile nel faticoso Super-G di Val d’Isère: sono 7⃣8⃣ in Coppa del Mondo… ??#EurosportSCI pic.twitter.com/dggFc0sDx7
— Eurosport IT (@Eurosport_IT) December 16, 2017