Еспен Андерсен стигна до својата прва победа од Светскиот куп во нордиска комбинација, откако на стартот на сезоната во финската Рука го совлада својот сонародник Јан Шмид за двојна победа.
Норвежаните имаа одлични скијачки скокови, а Андерсен стартуваше од второто место со само четири секунди заостанување зад Австриецот Марио Зајдл. Андерсен во крос-кантри трката успеа да го помине Зајдл за одлична победа.
„Сонував за вакво нешто долго време. Немам зборови. Посебно е што Шмид денеска го слави својот роденден“, изјави Андерсен. 