Неколку промнени се случија на АТП листата по завршувањето на првиот Гренд слем во сезоната, Австралија опен. Федерер ја одбрани титулата, но не успеа да ја преземе челната позиција од Рафа Надал, додека финалистот Марин Чилиќ „скокна“ на третото место, што е негов најдобар пласман во кариерата.
Надал, кој во Мелбурн беше елиминиран во четврт-финалето од Марин Чилиќ е број 1 на АТП листата, тој има 9,760 бода, односно 155 повеќе од вториот на листата Федерер.
Марин Чилиќ е на третото место, а Бугаринот Григор Димитров назадуваше за едно место и сега е четврти во светот.
За по едно место на листата назадуваа и Германецот Александар Зверев, односно Австриецот Доминик Тим. Давид Гофан ја задржа седмата позиција, а потоа следуваат двајца кои напредуваа за едно место Џек Сок од САД и Хуан Мартин дел Потро од Аргентина. На позицијата број 10 остана Шпанецот Пабло Карењо Буста.
На најновата листа голем пад забележа Стан вавринка кој сега е 15. во светот, а од ова профитираше Новак Ѓоковиќ кој „скокна“ за едно место и сега е на 13. позиција на АТП листата.