Русинот Андреј Рубљов стави крај на серијата од соништата на Италијанецот Лоренцо Сонего, победувајќи го со 6:4/6:4 во финалето на Виена опен и освојувајќи ја својата петта АТП титула во 2020, со што е најдобар на АТП турнејата.
Сонего, кој влезе на турнирот како „среќен губитник“, односно беше поразен во последното коло од квалификациите, претходно на турнирот го елиминираше светскиот рекет број 1, Новак Ѓоковиќ и Ден Еванс, но немаше одговор против расположениот Русин.
За Рубљов ова е трета титула во низа, откако претходно победуваше на турнирите во Хамбург и во Санкт Петерсбург. 23-годишниот Русин исто така има 39 победи во 2020, со што е израмнет со Новак Ѓоковиќ.
„Овој турнир ми е посебен, бидејќи мојата баба беше Австријка, така што во себе имам австриска крв. Навистина специјален момент“, изјави Рубљов.
Со победата тој е седмиот тенисер кој се квалификуваше за АТП финалето во Лондон покрај Ѓоковиќ, Рафаел Надал, Доминик Тим, Стефанос Циципас, Данил Медведев и Александер Зверев.
"My grandma was also Austrian, so I have Austrian blood." @AndreyRublev97 reveals why @ErsteBankOpen will always have a special place in his heart. #ErsteBankOpen pic.twitter.com/MXMAgNZE6c
— Tennis TV (@TennisTV) November 1, 2020
Unbroken and unstoppable ?@AndreyRublev97 wins the Vienna title without dropping serve, defeating Lorenzo Sonego 6-4 6-4 in the final. #ErsteBankOpen pic.twitter.com/u3PVRFngYD
— Tennis TV (@TennisTV) November 1, 2020