Легендарниот тенисер Борис Бекер рекол дека не се чувствува како Германец и дека би сакал да биде погребан на Вимблдон.
Бекер долго време живее во Лондон и смета дека тоа е неговиот вистински дом.
„Мојот дом е Лондон. Сакам да ме погребат на Вимблдон. Веројатно нема да се вратам во Германија. Имам германски пасош, но повеќе не се чувствувам како Германец“, рекол трикратниот освојувач на овој гренд слем, кој се нарекува и неофицијално светско првенство во тенис.
Инаку, Бекер изминатите седум месеци има големи финансиски проблеми, а Врховниот суд во Лондон во јуни му прогласи банкрот, иако Германецот потоа неколку пати истакна дека тие наводи не се точни.