Една од најдобрите спортиски во историјата на Хрватска, Бланка Влашиќ, објави крај на кариерата.
Влашиќ, последните четири години, има големи проблеми со повредите, поради што и реши да стави крај на импресивната кариера.
Бланка Влашиќ, два пати била светска шампионка на отворено, во Осака 2007 и Берлин 2009 и два пати во сала, во Валенсија 2008 и Доха 2010.
Во кариерата била и европска шампионка, во Барселона во 2010 година. Влашиќ, во кариерата, не успеала да освои златен медал само на Олимписките игри, има сребро од Пекинг 2008 и бронза од Рио де Женеиро 2016.
Во сопственост на Влашиќ е вториот најдобар резултат на сите времиња, во скок во височина 208 сантиметри. Подобра од неа е само актуелната светска рекордерка Стевка Костадинова (209 сантиметри).