Џад Трамп го совлада Џо Пери со 6:2 во осминафиналето на Интернационалниот шампионат во Дакинг, Кина, по што осигура враќање на првото место на рејтинг-листата пред Рони О’Саливен.
29-годишниот Трамп, кој оваа сезона освои три ренкинг-титули покрај Светското првенство во мај, ќе добие 21.500 фунти за пласман во четврт-финалето. Тој се враќа на првото место првпат од 2013 година, поминувајќи го Рони О’Саливен и сега ќе игра со Том Форд во четврт-финалето.
„Секогаш е добро да си на првото место. Марк Селби долго време беше број 1 и прекрасно е што повторно сум тука. Кој ќе каже дека не сака да е прв, секако лаже“, изјави Трамп.