Американскиот тенисер Џаред Доналдсон беше блиску до физичка пресметка со судијата Арну Габас во првото коло на Мастерсот во Монте Карло.
21-годишниот Доналдсон го загуби првиот сет со 6:3 од Шпанецот Алберт Рамос-Вињолас и губеше со 3:2 во вториот сет, кога Габас одлучи дека првиот сервис на Рамос-Вињолас е внатре и му го додели поенот како ас. Доналдсон не се согласуваше и го викна судијата долу, по што Габас оцени дека ознаката на земјата е од претходен поен.
Кога Доналдсон побара тогаш да ја најде ознаката од поенот, Габас изјави дека таа „сигурно е на линијата“, предизвикувајќи уште посилна реакција од Американецот, а публиката реши да го исвирка.
(@TennisTV ) pic.twitter.com/jTZUij5clU
— doublefault28 (@doublefault28) April 16, 2018
Инцидентот траеше повеќе од пет минути за на крајот Доналдсон да добие казна. Габас се пожали дека тој е агресивен, по што Доналдсон иронично му понуди да се ракува: „Ох, извини, да не те повредив. Жал ми е“.
Иронично, компјутерскиот систем „Соколово око“, кој не се користи на турнирите на земја, покажа дека Доналдсон е во право. Рамос-Вињолас победи со 6:3/6:3.
The entire Donaldson @JaredD episode… I feel the umpire is right here… pic.twitter.com/kgvi2KKass
— Ardeal (@UnArdeal) April 16, 2018