Флојд Мејведер Јуниор беше критикуван по неговата последна реакција фалејќи се колку кеш има додека трае изолацијата од корона вирусот.
САД ја помина Кина и Италија по бројот на заболени од КОВИД-19, а во исто време 43-годишниот Мејведер во сесија во живо на Инстаграм со НФЛ ѕвездата Антонио Браун зборуваше за своите „умни“ бизнис инвестиции.
„Знам дека велат: ’Флојд ќе остане без пари’, но јас сум човек кој има умни инвестиции. Затоа сега сум тука со овие големи ср.ња кои се случуваат и со инвестиции кои ми се исплатат. Додека трае рецесијата јас можам да ги хранам моите блиски“, вели Мејведер, по што вади околу 60.000 долари во кеш.
Потегот секако не наиде на добри реакции, откако многу луѓе во САД, како и во целиот свет, останаа без работа и без приходи во време на криза.