Новак Ѓоковиќ фуриозно го започна својот настап на Завршниот мастерс во сезоната. Во „О2“ арената во Лондон Ѓоковиќ за 63 минути го победи Матео Беретини со 6/2, 6/1.
Српскиот тенисер против дебитантот на завршниот турнир во сезоната одигра перфектно. Италјанецот се држеше до резултатот 2:2 во првиот сет, кога Ѓоковиќ влезе во серија и го освои наредните осум гема.
Србинот го доби првиот сет со 6/2 и поведе со 4/0 во вториот. Знаци на живот Беретини покажа во петтиот гем од вториот сет кога направи брејк, намали на 4/1, но не успеа да го потврди брејкот.
Веќе во наредниот гем Ѓоковиќ ја заврши работата.
Ова беше натпревар од „Бјерн Борг“ групата во која вечерва ќе играат Роџер Федерер и Доминик Тим.