„Ловот“ на првото место на АТП листата оди според планот за Новак Ѓоковиќ. Шампионот од Вимблдон и САД опен ја продолжи одличната форма откако го „збриша“ младиот Германец, Александер Зверев со 6:2/6:1 за пласман во финалето на Мастерсот во Шангај.
Светскиот број 3 го декласираше Зверев за точно еден час и му се реваншираше на Германецот за поразот во минатогодишното финале на Мастерсот во Рим. Со оваа победа, Ѓоковиќ од понеделник ќе биде светски број 1, без разлика на тоа што ќе направи во финалето, и е поблиску до првото место на крајот на годината, посебно бидејќи светскиот број 1, Рафаел Надал паузира поради повреда.
Сега, Србинот го чека подобриот од дуелот помеѓу освојувачот на 20 гренд слем титули, Роџер Федерер и хрватскиот предизвикувач Борна Чориќ.