Новак Ѓоковиќ се повлече од првиот официјален АТП турнир во новата сезона, Катар опен во Доха, зголемувајќи ги шпекулациите дека нема да настапи ниту на гренд слемот во Австралија.
Србинот паузира веќе шест месеци поради повреда на лактот, а не можеше да игра ниту на егзибицискиот меч во Абу Даби во петокот, кога имаше воспаление на лактот.
„За жал, ситуацијата со лактот не се смени, и уште имам болки. Затоа ќе морам да се повлечам од турнирот во Доха. Нема да се брзам и ќе се вратам само кога ќе сум 100 отсто подготвен“, напиша 30-годишниот поранешен светски број 1.
Ѓоковиќ нема одиграно конкурентен меч од Вимблдон во јули, а во петокот требаше да игра со Роберто Баутиста Агут пред да се повлече и на неговото место да игра стариот ривал Енди Мареј, кој загуби во меч од еден сет со 6:2.
Unfortunately the situation with the elbow has not changed for better since yesterday. I still feel the pain. Therefore, I will have to withdraw from ATP tournament in Doha https://t.co/iD0bOR5xkT
— Novak Djokovic (@DjokerNole) December 30, 2017