Новак Ѓоковиќ, далеку потешко од очекувањата влезе во четврт-финалето на Српска опен во Бања Лука, мачејќи се со холандскиот тинејџер, Лук ван Еш, победувајќи со 6:7(4)/6:3/6:2 по повеќе од два и пол часа тенис.
„Ова е најспориот терен кој сум го видел, не можев да влезам убааво и секоја топка лесно се враќаше. Фатив ритам дури при крај на второт сет и имам среќа што победив. Атмосферата беше прекрасна и благодарам на сите кои навиваа за мене. Игравме речиси три часа тенис и вие бевте тука. Можеби звучи грдо, но не го познавав противникот. Тој е перспективен тенисер веќе го имаше победено Вавринка. Не бев на високо ниво и му честитам на бобата. Фала што пушти дедо како мене да победи денеска. Дедо во спортска смисла, не во животна. Има уште време за мене. Никогаш не се знае што може да се случи утре“, вели Ѓоковиќ.