Најдобриот светски тенисер, Новак Ѓоковиќ, нема да учествува на Роџерс купот во Торонто. Одлуката на Ѓоковиќ е логична бидејќи овој Мастерс започнува пет дена по завршувањето на Олимпискиот турнир.
Мечот за златниот медал, во Токио, ќе се одржи на 1.август, а Роџерс купот ќе започне на 5.август.
Покрај Ѓоковиќ, Роџерс купот сигурно ќе го пропуштат Доминик Тим, Стен Вавринка и Давид Гофан.
Ѓоковиќ во кариерата четири пати победувал на Мастерсот во Канада, во 2007, 2011, 2012 и 2016 година.