Новак Ѓоковиќ се врати од сет негатива за со 2:6/6:1/6:3 да му го нанесе вториот пораз во две недели на Кеи Нишикори во четврт-финалето на Мастерсот во Рим и обезбеди дуел со Рафаел Надал, нивни неверојатни 51. во кариерата.
[11] @DjokerNole outlasts Kei Nishikori to set #IBI18 SF vs. [1] @RafaelNadal. Djokovic is 26-24 against Nadal (7-15 on clay) and their 50 meetings are most between 2 players in Open Era. Their match Saturday will be 1st of season and 219th overall between 2 members of Big Four.
— ATP Media Info (@ATPMediaInfo) May 18, 2018
Ако во претходните дуели речиси секогаш било израмнето, сега двајцата тенисери влегуваат во него со различни шанси за успех. Ѓоковиќ се мачи со кам-бекот на тенисот по операцијата на лактот минатата година, додека Надал „гази“ на земја слично како и во 2017 година. Надал во Рим се соочи со домашниот фаворит Фабио Фоњини и тој мораше да се враќа во игра со 4:6/6:2/6:1 победа.
Трет полуфиналист на турнирот на „Форо Италико“ е Марин Чилиќ, кој со 6:3/6:3 го совлада Пабло Карењо-Буста и сега го чека подобриот од дуелот Александер Зверев-Давид Гофан за второто полуфинале.
Кај дамите, Марија Шарапова по подолго време се пласираше во едно полуфинале, откако Русинката во епска пресметка со 6:7(7)/6:4/7:5 ја совлада актуелната шампионка од Ролан Гарос, 20-годишната Летонка Јелена Остапенко.
Во полуфиналето Маша ќе игра со Романката Симона Халеп, која со 6:2/6:3 ја совлада Каролине Гарсија за да остане најголем фаворит за трофејот.
Во второто полуфинале ќе се судрат Украинката Елина Свитолина и Естонката Анет Контавеит. Свитолина со 6:4/6:4 ја победи поранешната светска тенисерка број 1, Анџелике Кербер, додека Контавеит со 6:3/6:1 ја „збриша“ шампионката од Австралија опен, Каролине Вознијацки.
Фото: ЕПА