Новак Ѓоковиќ ја започна 396-та недела на врвот на АТП листата. Следната недела и тој и Карлос Алкараз ќе паузираат, по што следуваат два турнири кои ќе го решаваат бројот 1 на крајот на годината, Париз и Торино.
Ѓоковиќ моментално има 11.045 поени, што е за 2.240 повеќе од Алкараз. Но, Новак брани уште многу бодови до крајот на годината, на Рејс листата, на која се гледаат само резултати во тековната сезона.
На оваа листа, Ѓоковиќ има само 500 бодови повеќе од Шпанецот, што гарантира возбудлив крај на сезоната. Турнирот во Париз започнува следниот понеделник, додека во Торино се игра од 13 ноември.
Единствената промена во топ 10 е тоа што Фриц сега е деветти, а Зверев десетти во светот.
Од третото до место следуваат Данил Медведев, Јаник Синер, Андреј Рубљов, Холгер Руне, Стефанос Циципас и Каспер Руд.
Бен Шелтон, освојувач на титулата во Токио, сега е 15-ти во светот, што на Америка и дава четворица играчи во Топ 15 за прв пат од март 1997 година.