Новак Ѓоковиќ со максимална победа ја започна одбраната на титулата на ју-ес опен. Српскиот тенисер во првото коло го совлада Молдавецот Раду Албот по сетови 6:2, 6:2, 6:3.
Ѓоковиќ не блескаше на овој меч, видливо беше дека ова му беше првиот меч по освојувањето на златниот медал на олимписките игри, но сепак рутински славеше над Албот.
Ѓоковиќ направи 10 дупли грешки, а реализцијата на рпвиот сервис му беше на 50 отсто. Во првите два сета сепак наоѓаше ритам во одредени моменти, во првиот кога освои три, а во вториот четири гема во низа.
Во второто коло на турнирот Ѓоковиќ ќе игра против сонародникот Ласло Џере, кој по четири часа го совлада Јан-Ленард Штруф. Тоа ќе биде реприза на минатогодишното трето коло, во кое Новак имаше негатива 0:2, на крајот победи со 3:2.