УФЦ ѕвездата, Хабиб Нурмагомедов вели дека сака да влезе во рингот со Флојд Мејведер Јуниор во руската престолнина Москва, во меч, кој според него ќе ги сруши сите рекорди на гледаност.
Мејведер му порача на 30-годишниот Русин да „дојде во неговиот свет“, откако прво Нурмагомедов во видео го предизвика боксерскиот шампион на дуел, откако претходно истото го направи (и загуби) Конор Мекгрегор.
Нурмагомедов сега се сретна со Умар Кремљев, генералниот секретар на Руската боксерска федерација во обид да го организира мечот со Мекгрегор.
„Тие се сигурни дека ќе соберат најмалку 100.000 гледачи. Сакаме меч во Москва на легендарната ’Лужники арена’ кој би го срушил светскиот рекорд за платени пеј-пер-вју“, вели Нурмагомедов.
Мејведер, кој има 50-0 скор и е непоразен во рингот, го совлада Мекгрегор во 10. рунда од нивниот боксерски меч во Лас Вегас во август 2017, во меч кој донесе 500 милиони долари, од кои над 250 милиони отидоа кај 41-годишниот Американец. Нурмагомедов, кој има 27-0 скор во УФЦ октагонот, стана вистински феномен по популарноста, која сега може убаво да се наплати.
Мејведер ќе ги „тепа“ сите – прво Пакјао, па Хабиб, па повторно Мекгрегор!