Иако со години Србија беше доминантната сила во ватерполото, Хрватите во последно време почнаа да им враќаат на лутите ривали. Во последните три меча, Хрватска има три победи, вклучувајќи ја победата во Риека со пресврт од 8:7 за пласман во финалето на Европа купот.
Србија имаше предност од 4:1 на полувреме, пред Хрватите да се вратат со импресивен кам-бек во следните две четвртини. Лорен Фатовиќ постигна три гола, додека два додаде Анте Вукичевиќ, додека за Србија, Филип Филиповиќ имаше три, а Душко Пијетловиќ два гола.
Со оваа победа, Хрватска го освои првото место во групата Б, пред Србија, Црна Гора и Франција. Во неделното финале, Хрватска игра против Шпанија, додека Србите играат со Италија за третото место.