После Марин Чилиќ, уште еден квалитетен тенисер ќе мора да го пропушти настапот на Вимблдон поради коронавирус. Ланскиот финалист Матео Беретини објави дека е позитивен на Ковид-19 и нема да може да учествува на гренслем – турнирот.
„Со огромно жалење морам да објавам дека го прекинувам настапот на Вимблдон бидејќи сум позитивен на Covid-19. Немам зборови за да го опишам разочарувањето што го чувствувам. Сонот за оваа година предвреме заврши, но ќе се вратам уште посилен во 2023“, објави Матео Беретини.
На негово место ќе игра „среќниот губитник“ Елијас Имер, кој денеска ќе се сретне со Кристијан Гарин.