Австриските скијачки Аријана Редлер и Катарина Хубер испишаа нови страници во историјата, бидејќи станаа првите олимписки шампионки во тимска комбинација на Игрите во Милано и Кортина д’Ампецо.
Редлер скијаше во спуст, а Хубер слалом, и заедно постигнаа комбинирано време од 2:21,66 минути, што беше за пет стотинки подобро од Германките Кира Вајдл-Винкелман и Ема Ајхер.
За Хубер ова е второ олимписко злато, бидејќи пред четири години во Пекинг го освои најсјаниот медал во тимска конкуренција, а интересно е што во кариерата не стигна до ниту еден подиум во Светскиот куп.
Златото на Редлер во Кортина е најголемиот успех во нејзината кариера, но таа, од друга страна, има два подиума во Светскиот куп, двата во супервелеслалом.
На третото скалило од подиумот беа американските скијачки Жаклин Вајлс и Паула Молзан, кои беа 25 стотинки зад новите олимписки шампионки.
Најголемото изненадување на трката е секако фактот што првите фаворити за златото – Американките Бризи Џонсон и Микаела Шифрин, останаа без медал.
Новата олимписка шампионка во спуст, Џонсон ги искачи Американките на врвот по првата серија, меѓутоа, на тешката патека, Шифрин потфрли.
По првата серија, Џонсон беше шест стотинки пред Редлер, а по неа следуваше Италијанката Лаура Пировано. Сепак, италијанската скијачка по слалом Мартина Петерлини не успеа да ја заврши својата тројка, што им овозможи на Германките да се искачат на подиумот од шестата позиција, а потоа и на втората постава на Америка.
Кога дојде време за решавачкиот судир меѓу Австријките и Американките, Хубер скијаше доволно добро за да се избие во водство. Се очекуваше дека Шифрин без проблем ќе ја заврши работата. Сепак најдобрата скијачка на сите времиња, подлегна на притисокот, особено во вториот дел од патеката и на крајот не можеше да биде подобра од четвртото место.
Foto/ EPA