Доминик Парис, еден од најдобрите спусташи на денешницата, ја завршува зимската сезона предвреме по повредата добиена при падот на супер-џи тренинг во Кицбил, Австрија, каде што викендов се вози легендарниот спуст.
Светскиот шампион во супер-џи, паднал на една кривина и ги скинал лигаментите во десното колено, а добил и скршеница на ногата, потврди Италијанската скијачка федерација.
„Мојата сезона завршува тука. За жал, додека се лизгав на патеката, внатрешната скија удри пресилно во снегот и се скинаа лигаментите. Нема што да се додаде“, изјави Парис.
Парис има три победи на славната Штрајф патека во Кицбил и беше еден од фаворитите за победа во сабота. Тој е втор во генерален пласман во спуст по двете победи на домашен снег во Бормио.
Rottura del crociato anteriore del ginocchio destro per Dominik Paris. ?
Buona guarigione Domme! #ItaliaTeam @Fisiofficial pic.twitter.com/hfPgeNdlSr
— ItaliaTeam (@ItaliaTeam_it) January 21, 2020