Најдобриот македонски тенисер, Калин Ивановски, го има најдобриот ранкинг на АТП листата во кариерата.
На најновата АТП листа, Ивановски се наоѓа на 305. место во светот. Во однос на претходното рангирање, Ивановски напредуваше 26 места.
Ивановски оваа недела ќе се натпреварува на челинџерот во Хамбург.
Што се однесува до Топ 10 на АТП листата, лидер е Новак Ѓоковиќ. Српскиот тенисер ја започна својата 395. недела на првото место.
Зад него се Карлос Алкараз, Данил Медведев, Јаник Синер, Андреј Рубљов, Холгер Руне, Стефанос Циципас, Каспер Руд, Александар Зверев и Тејлор Фриц.