Австралискиот тенисер Ник Кирјос на годинешниот САД опен доаѓа како 85. светски играч со многу малку одиграни мечеви во изминатите година ипол.
Откако трае оваа корона пандемија повеќе е активен на социјалните мрежи отколку на теренот, но сега сака да настапи во Њујорк.
Сепак, потребно е да го почувствува теренот за да влезе во форма пред стартот на мечевите, а засега нема спаринг партнер.
Тој на социјалните мрежи побара партнер со кого би тренирал:
„Дали некој сака да тренира во среда во Њујорк: Јавете ми се“ порача Кирјос.
Anyone looking for practice Wednesday in New York? Lemme know
— Nicholas Kyrgios (@NickKyrgios) August 24, 2021
Тој изминатиов период беше во центарот на вниманието.
Во Торонто повторно се расправаше со судијата, а на турнирот во американски Винстон-Сејлем го откажа настапот во првото коло против Енди Мареј на само неколку минути пред стартот.